TVB將裁員近200人 許濤稱順應市場變化

電視廣播有限公司行政主席許濤今日向員工發信，話為咗推出「優化成本及資源管理方案」，需要遣散5%員工，可以幫公司慳2.6億支出，即係大約裁員195人。 許濤話，疫情以及抗疫措施為經濟市場帶黎巨大衝擊，電視業面臨新時代，為咗確保公司順應市場變化，決定優化成本管理，而部分職位裁員之後唔會重置。 許濤又話，今次嘅決定很艱難，但作為負責任嘅管理層，有必要正確引導資金流向最有效益嘅地方發展。