發展局批「水淹人工島」說法　稱已超前評估風險

政府即將喺交椅洲人工島進行填海工程，不過前天文台台長林超英批評計劃，又話遇上極端天氣有機會「水淹人工島」，發展局日前發文批評有關講法，又話當局已經超前評估風險。 發展局話，有關推論以海水會上升千年為假設並唔合理，唔符合國際準則，政府評估人工島嘅風險嗰陣，已經超前以下一個世紀嘅氣候變化黎進行測試。 當局又話，交椅洲人工島平均地面高度為水平基準以上7.5米，部分位置係9米，比起香港平均海平面高出超過6米，符合設計標準。