Mirror演唱會意外 警方以詐騙罪起訴三名藝能職員

人氣團體Mirror上年7月舉行嘅演唱會發生嚴重意外，一塊巨型螢幕跌落導致三名舞蹈員嚴重受傷，其中李啟言四肢仍癱瘓。警方今日正式落案起訴三名演唱會總承判商藝能嘅職員，佢哋涉嫌串謀詐騙，分別係藝能嘅項目經理以及技術統籌。 警方喺事件中一共拘捕五人，據指另外兩人被釋放。而上年11月嘅調查報告指，藝能涉嫌虛報裝置重量，部分裝置報輕2倍至7倍，警方相信屬於故意虛報，誤導政府更快獲得演出許可。