外媒稱伊朗球員被威脅唱國歌 否則家人會被虐待

早前伊朗球員喺卡塔爾2022世界盃第一場分組賽時，拒絕唱國歌，之後第二場分組賽，就開始有球員唱。美國有線新聞報道，伊朗球員被威脅要控制自己嘅行為，否則家人會被監禁或受到虐待。 報道指，球員被要求唱國歌，唔可以作出針對伊朗政府嘅抗議行動，有幾名伊朗革命衛隊嘅人員，正監察球員嘅行為，亦向球隊教練要求，禁止球員與外籍人士會面。 早前一名無戴頭巾嘅女子被拘押期間死亡，觸發伊朗多個月黎嘅反政府示威，世界盃期間，當播伊朗國歌時，現場觀眾亦發出噓聲。